::LaYaLi::
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كل ما يخص الصوت ( تدريبات : حفاظ علي الصوت : تنقيه )

4 مشترك

اذهب الى الأسفل

مثبت كل ما يخص الصوت ( تدريبات : حفاظ علي الصوت : تنقيه )

مُساهمة من طرف Prince Of SlyneSS السبت مايو 17, 2008 1:38 pm

تدريبات الصوت

زى ما احنا عارفين اسعار تدريب الصوت واى شغل كويس بيكون غالى وكده


وبعدين يقولى انا اتخنقت وكلام كبير كده


دلوقتى بقه هنقول يعنى ايه تدريب


ازاى ادرب نفسى


اغلبيتنا بيلعبو الات والكتير منهم جيتار وفى اورج


كلنا حافظين السلم الموسيقى طبعا


كلنا نقدر نعمله بصوتنا


دو رى مى فا صول لااا سى دو


هنعمله بصوتنا ونطول فى كل واحده


بس هنعمله مع اله يعنى مثلا اشوف اورج واعمل معاه علشان الطبقه تتظبط


او جيتار واعمل معاه


دا تدريب الطبقات


كمان هنعمل تدريب فتح صوت هنقول أأه وتطلع بالطبقات عااااااالى وتبدأ من اقل طبقه عندك


على فكره كل البشر طبقات صوتهم واحده بتفرق من حده الصوه او خشانته بس


طيب فى ناس تانيه بنقولهم انت محتاج تدريب نفس يعنى نفسك يذيد


تدريب النفس صعب شويه فى الاول بس بعد كده بيكون سهل


هتمسك ستوب وتش


وتقول اه بطبقه واحده ومن غير تدريج يعنى تفضل فى نفس الطبقه الى بدأت بيها


وتعد بالاستوب وتش


اغلبيتنا هنجيب فى اول مره مثلا 10 ثوانى


ريح وعيد تانى هتجيب 12 ومتبصش فى الاستوب وتش وانت بتقول اه لان التحدى فى النقطه دى ممكن يضيع صوتك نهاااااااائى


تدريبات الصوت محتاجه تركيز وعقل مش تحدى وبس


افضل على كده لحد ما توصل ل25 ثانيه


مش شرط 25 يعنى لو 20 ثانيه تبقى تمام اوى


بس طبعا مش كل ده فى وقت واحد لا دا على مراحل يعنى مش تمسك نفسك تعمل كل دا علطول


لو عملت كله مره واحده هتيجى تغنى بعدها بساعه تلاقيك بتهيس مش بتغنى


اوك؟


بعد ما وصلت لــ أعلى من 20 ثانيه نفس فى طبقه واحده


ابدأ اعمل تدريج للطبقات


يعنى على الطبقه واعلى واعلى فى الطبقات مش تعلى صوتك بدل ما حد فى البيت يدعى عليا


وافضل على كده لفتره هتلاقيك وانت بتغنى حاسس ان نفسك بقى حلو
طبعا ده مع محاوله تخفيف السجاير شويه للى بيشرب


على فكره السجاير مش بتأثر على الصوت بتأثر على النفس


كدا عرفنا تدريب الطبقات وفتح الصوت والنفس



نيجى بقه لتدريب العرب


الاول ايه هيا العربه


كتير بيفتكر العربه هيا أأه وبس او اللعب بالصوت مثلا


العربه عباره عن حليه بتتحط فى الاغنيه بتبين جمال الصوت


وعلى فكره الحلايا انواع يعنى مش كل حليه فى الصوت تبقى عوربه


طبعا عرب اى اغنيه الى بيحطها الملحن والمطرب بكفائته ممكن يذود عليها او يظبط وده طبعا حسب صوته وخامته وعربه الاصليه


وطبعا لما نقول عرب يبقى لازم نقول الاســــــــطـــــــوره ( احمد سعد )


والفناااااااااااااااااااااااااااااااااااااااا ان خالد سليم


وتامر طبعا عربه جميله جدا


وعمرو دياب وناس كتير بجد عربهم جميله اوى


هندرب عربنا ازاى بقه ؟!!


فى اغانى كتير مليانه عرب


زى وحشتنى عيونك لأحمد سعد - خد الجميل لـــ خالد سليم - يارب انا تعبان لــــ تامر حسنى


حاول تغنى الاغانى دى وتقلد المطرب فى العرب


لان مفيش حاجه اسمها تدريب عرب


بس حاول تجيب العرب دى مع الوقت هتجيبها وهتبقى فى صوتك انت


هتغنى جبار عشان تتعلم تعمل ترلات بصوتك
وعلى فكره جبار مش عرب ( ترلات )


للبنات تغنى سميره سعيد واصاله دول من اجمل البنات الى بيعملو عرب


مش هنقول كتير فى العرب لانى شايف انها موهبه اساسا وصعب ان حد يتعلمها الا بالسمع وبس




نيجى بقه لــ ازاى احافظ على صوتى وانقيه



1\ كتر من شرب السوائل بالذات ( الينسون - الحلبه - الكركريه )
وقلل ( عصير الليمون - المانجو - الفراوله - الشاى - القهوه )


2/ هاااااااااااااااااااااااااااااام اياك تغنى اثناء الشرب او بعده على الاقل لمده نص ساعه
لان الاحبال الصوتيه بتكون فى حاله هيجيان فلازم تسيبها ترتاح الاول عشان تاخد
الفائده من المشروب الى شربته


3/ اساسى هقولك بطل سجاير وشيشه


4\ حاول بقدر امكانك متغنيش كتير فى اماكن مفتوحه


5/ اصحى بدرى واعمل التدريبات بدرى


6/ متتكلمش بصوت عالى ومتزعقش


7/ متغنيش وانت عندك برد ولا صوتك تعبان ولا عندك اى تعب فى المعده



اهم ملحوظه (((( اعمل التدريبات دى الصبح بدرى وعلى الريق من غير اكل مع شرب كوب ليسون قبل عمل التدريبات بنص ساعه على الاقل ))))
Prince Of SlyneSS
Prince Of SlyneSS
مدير عام
مدير عام

ذكر
عدد الرسائل : 87
الأوسمة : كل ما يخص الصوت ( تدريبات : حفاظ علي الصوت : تنقيه ) Tamauz
رقم العضوية : 1
علم البلد : كل ما يخص الصوت ( تدريبات : حفاظ علي الصوت : تنقيه ) Malee10my8
النقاط : 100
تاريخ التسجيل : 24/04/2008

الرجوع الى أعلى الصفحة اذهب الى الأسفل

مثبت رد: كل ما يخص الصوت ( تدريبات : حفاظ علي الصوت : تنقيه )

مُساهمة من طرف kambo السبت مايو 17, 2008 1:46 pm

شكرا يا poss
علي المعلومات القيمة دي
kambo
kambo
عضو جديد
عضو جديد

ذكر
الثور الحصان
عدد الرسائل : 22
تاريخ الميلاد : 24/04/1990
العمر : 33
رقم العضوية : 4
علم البلد : كل ما يخص الصوت ( تدريبات : حفاظ علي الصوت : تنقيه ) Malee10my8
تاريخ التسجيل : 26/04/2008

الرجوع الى أعلى الصفحة اذهب الى الأسفل

مثبت شكرا علي النصايح الجامده

مُساهمة من طرف RAMY AMIGO السبت يناير 10, 2009 12:00 am

بس اكيد قبل اي تدريب لازم الاول يكون عندك الموهبه الي تقدر تنميها مش تدرب علي حاجه مش موجوده فيك اصلا
واكيد كل واحد مميز في حاجه ربنا مدهاله
ومره تاني انا بشكرك علي المعلومات الي انتا قولتها
Wink
RAMY AMIGO
RAMY AMIGO
عضو جديد
عضو جديد

ذكر
العذراء التِنِّين
عدد الرسائل : 4
تاريخ الميلاد : 02/09/1988
العمر : 35
العمل/الترفيه : طالب جامعي
علم البلد : كل ما يخص الصوت ( تدريبات : حفاظ علي الصوت : تنقيه ) Malee10my8
تاريخ التسجيل : 09/01/2009

الرجوع الى أعلى الصفحة اذهب الى الأسفل

مثبت mercii moooot

مُساهمة من طرف Oshy Singer الجمعة يوليو 23, 2010 5:03 pm

merciii moot 3ala 2elma3lomat
avatar
Oshy Singer
عضو جديد
عضو جديد

انثى
السمك الديك
عدد الرسائل : 1
تاريخ الميلاد : 24/02/1993
العمر : 31
المزاج : In love all the time
علم البلد : EGYPT
تاريخ التسجيل : 23/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى