الجرح جرحين

تعرف ايه اللى يخلى الجرح جرحين
انك تشوف طفل من غير ابوين
يمشى ودمعه سايل فوق خده
منظر صعب ويقسم القلب نصين
مش قادر يمسح دمعه بكف ايده
بيمشى ومش عارف طريقه فين
التعب من كتر ماتاه هده
اتقل الحروف يشيلها فى حرفين
لااب حاسس بيه ولا ام بترد عليه
فى خطوته رحله ودمعه وسكين
رحت اساله انت ابن مين
قالى
انا يتيم وماليش عناوين
سالته بتبكى ليه قالى ببكى لما بلاقى حد حزين
وتوب السعاده مبقتش قده
وقفت ورحت امسح دموعى من العين
وعينى بصاله ودمعته فوق خده
وده اللى يجرح القلب جرحين

جميل اوي الكلام وبجد مؤثر

تسلم ايدك يارامى
منورنى وجودك
معلش بقا انا نسيت الباص وورد
وعملت يوزر تانى
المهم
تسلم ايدك